AZCON Holding şirkətlərindən olan “Aztelekom” MMC-də 6 dekabr – Rabitə və informasiya texnologiyaları sahəsi işçilərinin peşə bayramı münasibətilə tədbir keçirilib.
Tədbirdə bildirilib ki, cənab Prezident İlham Əliyevin 2006-cı il 2 dekabr tarixli Sərəncamına əsasən hər il rabitə və informasiya texnologiyaları sahəsi işçilərinin peşə bayramı qeyd olunur və bu sahənin inkişafına xüsusi töhfə verən əməkdaşlar fəxri adlar və mükafatlarla təltif edilirlər.
Bu il də telefon rabitəsinin yaradılmasının 144-cü ildönümü münasibətilə Rəqəmsal İnkişaf və Nəqliyyat Nazirliyi tərəfindən bu sahədə uzun müddət fəaliyyət göstərən əməkdaşlar mükafatlandırılıb. Ümumilikdə 16 nəfərə “Rabitə ustası” fəxri adı, 32 əməkdaşa isə Fəxri Fərman təqdim edilib.
Tədbirdə son illərdə “Aztelekom” MMC tərəfindən ölkənin telekommunikasiya infrastrukturunun yenilənməsi istiqamətində görülən işlər də diqqətə çatdırılıb. “Şirkət ənənəvi sabit telefon xidmətlərindən müasir genişzolaqlı texnologiyalara keçidi sürətləndirərək yeni nəsil avadanlıqların tətbiqi ilə telekommunikasiya şəbəkəsinin qlobal standartlara uyğun şəkildə inkişafını təmin edir. Bu addımlar yüksəksürətli rabitə xidmətlərinin ölkə üzrə daha geniş əhatə dairəsinə çıxarılmasına imkan verir”.
2026-cı ilin ilk 6 ayında Qarabağda 3,400-ə yaxın yeni abunəçi telekommunikasiya xidmətlərinə qoşulub
Uzun illər ərzində vətəndaşlara telefon nömrələri və digər sorğu məlumatlarının təqdim edilməsi məqsədilə istifadə olunan “109” xidməti rəqəmsallaşma prosesinin sürətlənməsi fonunda öz aktuallığını itirib. Belə ki, hazırda eyni məlumatlar mobil tətbiqlər, onlayn kataloqlar və digər rəqəmsal platformalar vasitəsilə daha operativ, rahat və ödənişsiz şəkildə əldə edilir.
AZCON Holding şirkətlərindən olan “Aztelekom” MMC istifadəçi təcrübəsinin təkmilləşdirilməsi və rəqəmsal xidmətlərə əlçatanlığın daha da asanlaşdırılması məqsədilə yenilənmiş korporativ veb-saytını təqdim edib.
Xidmət nöqtələri
Ödəniş
