“Aztelekom” MMC korporativ sosial məsuliyyət təşəbbüsləri çərçivəsində yaşlı nəslin sosial rifahının və rəqəmsal imkanlara çıxışının artırılmasına yönəlmiş layihələrə dəstəyini davam etdirir.
Bu istiqamətdə “Üçüncü Bahar” İctimai Birliyinin (İB) nəzdində fəaliyyət göstərən YAŞA mərkəzləri ilə əməkdaşlıq çərçivəsində bir sıra texniki və infrastruktur dəstəyi həyata keçirilib.
Görülən işlər çərçivəsində İçərişəhər, Bakıxanov və Mingəçevir YAŞA mərkəzləri müasir telekommunikasiya avadanlıqları ilə tam təchiz olunub, mərkəzlərdə yüksəkkeyfiyyətli internet infrastrukturu qurulub və rəqəmsal xidmətlərə çıxış imkanları genişləndirilib.
Həyata keçirilən bu təşəbbüslər YAŞA mərkəzlərindən faydalanan yaşlı vətəndaşların rəqəmsal savadlılığının və sosial aktivliyinin artırılmasına, onların asudə vaxtlarının daha səmərəli təşkilinə əlavə imkanlar yaradır.
“Aztelekom” MMC cəmiyyətin müxtəlif qruplarını əhatə edən sosial yönümlü layihələrə töhfə verməyə və rəqəmsal inklüzivliyin genişləndirilməsinə yönəlmiş təşəbbüsləri gələcəkdə də davam etdirməyi planlaşdırır.
2026-cı ilin ilk 6 ayında Qarabağda 3,400-ə yaxın yeni abunəçi telekommunikasiya xidmətlərinə qoşulub
Uzun illər ərzində vətəndaşlara telefon nömrələri və digər sorğu məlumatlarının təqdim edilməsi məqsədilə istifadə olunan “109” xidməti rəqəmsallaşma prosesinin sürətlənməsi fonunda öz aktuallığını itirib. Belə ki, hazırda eyni məlumatlar mobil tətbiqlər, onlayn kataloqlar və digər rəqəmsal platformalar vasitəsilə daha operativ, rahat və ödənişsiz şəkildə əldə edilir.
AZCON Holding şirkətlərindən olan “Aztelekom” MMC istifadəçi təcrübəsinin təkmilləşdirilməsi və rəqəmsal xidmətlərə əlçatanlığın daha da asanlaşdırılması məqsədilə yenilənmiş korporativ veb-saytını təqdim edib.
Xidmət nöqtələri
Ödəniş
