Ümumi məlumat

Telefoniya xidməti gündəlik ünsiyyət üçün etibarlı və sərfəli rabitə imkanı yaradır. Xidmət vasitəsilə telefon bağlantısından asanlıqla istifadə edə bilərsiniz.

Qoşulma prosesi

Telefon xidmətinə qoşulmaq və nömrə əldə etmək üçün abunəçi "Aztelekom"un Telekommunikasiya Qovşağına müraciət etdikdən sonra sifarişin icrasına başlanılır. Avadanlıqların quraşdırılması və xidmətin aktivləşdirilməsi müddəti abunəçinin yaşadığı ərazidən, iş prosesinin mürəkkəbliyindən və telefon xəttinin mövcudluğundan asılıdır.

Stasionar telefon nə üçün lazımdır?

Stabil lokal telefon şəbəkəsi abunəçilərə şəhər və kənd daxilində limitsiz ünsiyyət imkanı yaradır. Bununla yanaşı, şəhərlərarası və beynəlxalq zənglərdən sərfəli tariflərlə istifadə etmək mümkündür.

“Aztelekom” MMC Naxçıvan MR istisna olmaqla, respublikanın bütün regionlarında əhalini stasionar telefon xidməti ilə təmin edir.

Telefon xəttinin çəkilişi üzrə tarifə 100 metrədək məsafədə şəbəkəyə qoşulma üçün tələb olunan xərclər daxildir. Əlavə xətt materialları, iş və xidmətlər tələb olunduqda, onların dəyəri smeta əsasında abunəçi tərəfindən ödənilir.