“Onlayn Azərbaycan” layihəsi çərçivəsində “Aztelekom” MMC Siyəzən rayonunda mövcud ev təsərrüfatı və biznes subyektlərinə GPON texnologiyası ilə yüksəksürətli internetə qoşulma imkanı yaradıb.
.jpg)
2024-cü ilin yanvar-may ayları ərzində “Aztelekom” MMC-nin əməkdaşlarına bir sıra təlimlər keçirilib.
İnnovasiya və Rəqəmsal İnkişaf Agentliyinin (İRİA) dəstəyi, “Azərbaycan İnformasiya və Kommunikasiya Texnologiyaları Sənayesi Assosiasiyası” İctimai Birliyinin təşkilatçılığı ilə jurnalistlər üçün “Rəqəmsal savadlılıq” təlimi keçirilib. Təlim zamanı “Aztelekom” MMC-nin Müştəri təcrübəsinin idarə olunması şöbəsinin müdiri Ayaz Əhmədov və Korporativ əlaqələr sektorunun müdiri Səfər Aslanov çıxış edərək jurnalistlərin suallarını cavablandırıblar. Çıxış edənlər ölkəmizdə insanların rifahını yaxşılaşdırmaq məqsədilə həyata keçirilən “Onlayn Azərbaycan” layihəsi barədə məlumat veriblər. Bildirilib ki, layihənin icra edildiyi müddətdə təkcə Bakı ərazisində genişozlaqlı internetin əhatə dairəsi 18%-dən 95%-ə, ölkə ərazisində isə ümumilikdə 9%-dən 85%-ə yüksəlib. Qeyd edək ki, təlimə müxtəlif media qurumlarından 40-a yaxın jurnalist cəlb olunub. Məqsəd jurnalistlərin İKT üzrə təhlil və analiz bacarıqlarını daha da inkişaf etdirməkdən ibarətdir.
Rəqəmsal İnkişaf və Nəqliyyat Nazirliyinin dəstəyi, “Elektron Təhlükəsizlik Xidmətinin təşkilatçılığı ilə “Aztelekom” MMC-nin baş ofisinin 55 yaşdan yuxarı əməkdaşları üçün iyunun 5-i, 7-si və 11-də “SilverCyber55+” mövzusunda təlim keçirilib.
.jpg)
İyunun 12-13-də müqəddəs Qurban bayramı münasibətilə “Aztelekom” MMC və “Bakı Telefon Rabitəsi” MMC-nin Vətən müharibəsində həlak olmuş əməkdaşlarının ailələri ziyarət edilib.
Hörmətli abunəçilər! 13.06.2024-cü il saat 03:00-dan 04:00-dək Çağrı Mərkəzinin (170) proqram təminatında aparılacaq planlı təkmilləşdirmə işləri ilə bağlı zənglərin qəbulunda fasilə yaranacaq.
“Aztelekom” MMC “Onlayn Azərbaycan” layihəsi çərçivəsində telekommunikasiya infrastrukturunun yenilənməsi və müasir beynəlxalq standartlara uyğunlaşdırılması istiqamətində işləri davam etdirir. Növbəti mərhələdə Gəncə şəhərində sürətli və kəsintisiz internet xidməti göstərən fiber-optik GPON (Gigabit Passive Optical Networks) şəbəkəsinin tikintisi ilə əlaqədar zəruri avadanlıqlar montaj olunaraq istifadəyə verilib, GPON texnologiyası əsasında layihələndirmə işləri həyata keçirilib. Gəncə şəhərinin 90%-dən çox hissəsi yüksəksürətli internetlə əhatə olunub. Hazırda şəhər ərazisində 20 000-dək ev təsərrüfatı və biznes subyekti xidmətlərdən yararlanır. Yeni qoşulmalar davam etdirilir.
“Aztelekom” MMC “Onlayn Azərbaycan” layihəsi çərçivəsində aparılan işlərin uğurla və təhlükəsiz qaydada aparılması məqsədilə “Hündürlükdə işlərin təhlükəsiz görülməsi” adlı silsilə təlimlər keçirib.
Aztelekom MMC-nin göstərdiyi xidmətlərdə fasilələrin aradan qaldırılması ilə bağlı rəsmi açıqlama 08 iyun tarixində saat 18:40-dan etibarən Aztelekom MMC-nin tabeliyindəki Yevlax Data Mərkəzində hava şəraiti ilə bağlı yaranmış texniki problemlə əlaqədar olaraq bir qrup abunəçinin telekommunikasiya xidmətləri ilə təmin edilməsində fasilələr meydana gəlmişdi. Yaranmış çətinliyin aradan qaldırılması istiqamətində bütün imkanlar dərhal səfərbər olunub, zəruri tədbirlər həyata keçirilərək 00:20 radələrində telekommunikasiya xidmətləri tam olaraq bərpa olunub. Yaranmış çətinliklə əlaqədar olaraq Aztelekom MMC abunəçilərdən üzr istəyir və həmçinin texniki problemlə qarşılaşdıqları halda Aztelekom abunəçilərindən 170 Çağrı Mərkəzinə müraciət etmələri xahiş olunur.
ООО "АЗТЕЛЕКОМ"
КОНТАКТ
Тбилисский пр. 187,
город Баку,Азербайджан,AZ1122
Все права защищены © 2024
