Uzun illər ərzində vətəndaşlara telefon nömrələri və digər sorğu məlumatlarının təqdim edilməsi məqsədilə istifadə olunan “109” xidməti rəqəmsallaşma prosesinin sürətlənməsi fonunda öz aktuallığını itirib. Belə ki, hazırda eyni məlumatlar mobil tətbiqlər, onlayn kataloqlar və digər rəqəmsal platformalar vasitəsilə daha operativ, rahat və ödənişsiz şəkildə əldə edilir.
“109” sorğu-məlumat xidmətinə olan tələbatın kəskin azalması və müvafiq məlumatların alternativ rəqəmsal kanallar vasitəsilə daha əlçatan olması xidmətin iqtisadi və praktiki səmərəliliyini əhəmiyyətli dərəcədə azaldıb.
Bu səbəbdən “Aztelekom” MMC tərəfindən təqdim edilən “109” sorğu-məlumat xidməti 1 sentyabr 2026-cı il tarixindən etibarən fəaliyyətini dayandıracaq.
Əlavə məlumat əldə etmək istəyən vətəndaşlar “170” Çağrı mərkəzinə müraciət edə bilərlər.
2026-cı ilin ilk 6 ayında Qarabağda 3,400-ə yaxın yeni abunəçi telekommunikasiya xidmətlərinə qoşulub
AZCON Holding şirkətlərindən olan “Aztelekom” MMC istifadəçi təcrübəsinin təkmilləşdirilməsi və rəqəmsal xidmətlərə əlçatanlığın daha da asanlaşdırılması məqsədilə yenilənmiş korporativ veb-saytını təqdim edib.
AZCON Holding şirkətlərindən olan “Aztelekom” MMC müştəri təcrübəsinin daha da yaxşılaşdırılması istiqamətində növbəti mühüm addımı ataraq 500 Mbit/s və 1000 Mbit/s sürətində yeni fiber-optik internet tariflərini istifadəyə verir.
Xidmət nöqtələri
Ödəniş
