Aztelekom

“Aztelekom”un yenidən təşkil olunması haqqında qərar qəbul olunub

Azərbaycan Nəqliyyat və Kommunikasiya Holdinqi (AZCON Holding) tərkibində fəaliyyət göstərən “Aztelekom” MMC “Bakı Telefon Rabitəsi” MMC, “AzEvroTel” MMC, Azərbaycan Respublikası Rabitə və İnformasiya Texnologiyaları Nazirliyi “Aztelekom” İstehsalat Birliyinin Beynəlxalq Avtomat Telefon Stansiyası, Gəncə Telekommunikasiya İdarəsi, “Azərrabitəlayihə” MMC və Sumqayıt Telekommunikasiya Qovşağının ona qoşulması nəticəsində yenidən təşkil edilir.

“Aztelekom”un rəhbər heyəti Türkiyədə işgüzar səfərdə olub

17-19 aprel tarixlərində Azərbaycan Nəqliyyat və Kommunikasiya Holdinqinin (AZCON Holding) tərkibində fəaliyyət göstərən “Aztelekom” MMC-nin Baş direktoru vəzifəsini icra edən Həsən Ömərovun rəhbərlik etdiyi heyət Türkiyənin İstanbul şəhərində işgüzar səfərdə olub və ölkənin aparıcı telekommunikasiya operatorları “Türkcell” və “Türk Telekom” şirkətlərində məhsuldar görüşlər keçirib.

“Aztelekom”un dəstəyi ilə Bakıda “4-cü İllik SƏTƏMM Konfransı” keçiriləcək

“Aztelekom” MMC aprelin 26-da keçiriləcək “4-cü İllik SƏTƏMM Konfransı”nın premium dəstəkçisi qismində çıxış edir. 2019-cu ildən etibarən təşkil olunan bu konfrans 28 aprel – Ümumdünya Əməyin Mühafizəsi Gününə həsr olunur.

“Harward Business Review” nəşri “Onlayn Azərbaycan” layihəsinə həsr edilmiş məqalə dərc edib

“Harvard Business Review Türkiye” nəşrinin son sayında Azərbaycanın rəqəmsal transformasiyasına dair geniş məqalə dərc olunub. Məqalədə “Aztelekom” MMC-nin icraçı direktoru Həsən Ömərov və 2023-cü ildə layihənin icrasının həyata keçirilməsinə məsul keçmiş baş icraçı direktor Tural Pirverdiyevin “Onlayn Azərbaycan” təşəbbüsünün nailiyyətləri, məqsədləri və ölkənin rəqəmsal inkişafına verdiyi töhfələr haqqında fikirlərinə xüsusi yer verilib.

Xankəndi şəhərində məskunlaşma olan yaşayış məntəqələri telekommunikasiya xidmətləri ilə təmin edilib

İşğaldan azad edilmiş ərazilərdə aparılan bərpa-quruculuq işlərinin əsas tərkib hissəsi kimi “Aztelekom” MMC tərəfindən Xankəndi şəhərində məskunlaşma olan bütün yaşayış məntəqələri və biznes subyektləri, internet də daxil olmaqla, telekommunikasiya xidmətləri ilə təmin olunub.

“Aztelekom” ev təsərrüfatlarının genişzolaqlı internetə qoşulması təcrübəsi ilə bağlı beynəlxalq mükafatla təltif edilib

Martın 3-də dünyanın ən nüfuzlu mobil texnologiyalar sərgisi olan “Mobile World Congress”də (MWC) “Aztelekom” MMC-yə “Ev Təsərrüfatlarının Genişzolaqlı İnternetə Qoşulmasının İnkişafı ilə Bağlı Ən Yaxşı Təcrübə” (Best Practice of Home Broadband Development Award) mükafatı təqdim edilib. Bu nüfuzlu mükafat rəqəmsal transformasiya məsələləri üzrə 45 illik beynəlxalq təcrübəyə sahib olan nüfuzlu “İDATE” şirkəti tərəfindən verilib.

“Onlayn Azərbaycan” layihəsi uğurla başa çatdı

Rəqəmsal transformasiya və dayanıqlı infrastrukturun inkişafında yeni mərhələ 10 mart tarixində “Onlayn Azərbaycan” meqalayihəsinin yekun hesabat tədbiri keçirilib. Tədbirdə Azərbaycan Nəqliyyat və Kommunikasiya Holdinqinin icraçı direktoru Şahin Babayev, “Aztelekom” MMC-nin baş direktor vəzifəsini icra edən Həsən Ömərov, Beynəlxalq Telekommunikasiya İttifaqının (ITU) regional direktoru Natalia Moçu, eləcə də tənzimləyici qurumların nümayəndələri və sahə üzrə ekspertlər iştirak ediblər.

Barselonada keçirilən Mobil Dünya Konqresində “Aztelekom”a “Ən Sürətli Sabit Şəbəkə” mükafatı təqdim edildi

Martın 5-də dünyanın ən nüfuzlu mobil texnologiyalar sərgisi olan “Mobile World Congress”də (MWC) “Aztelekom” MMC-yə “Ən Sürətli Sabit Şəbəkə” mükafatı təqdim edilib. Bu nüfuzlu mükafat internetin sürət testi və təhlili üzrə qlobal lider olan “Ookla”® şirkəti tərəfindən verilib.

“Aztelekom” internetin sürət testi və təhlili sahəsində dünya lideri olan Ookla® tərəfindən Azərbaycanın ən sürətli sabit şəbəkə internet provayderi seçildi

“Aztelekom” genişzolaqlı və mobil şəbəkə təhlilləri üzrə qlobal şirkət olan Ookla® tərəfindən “Speedtest Award for Fastest Fixed Network” (Ən sürətli Sabit Şəbəkə üzrə Speedtest Mükafatı) mükafatına layiq görülüb. Bu mükafat ölkə tarixində ilk dəfə sabit şəbəkə internet provayderinə təqdim edilir.

Bütün Xəbərlər