“Aztelekom” Heydər Əliyev Fondunun başladığı qanvermə aksiyasına qoşuldu

Nəqliyyat, Rabitə və Yüksək Texnologiyalar Nazirliyinin “Aztelekom” Məhdud Məsuliyyətli Cəmiyyətinin kollektivi bu gün qanvermə aksiyasına qoşulub.

Heydər Əliyev Fondunun başladığı qanvermə aksiyası təşəbbüsünə dəstək olan kollektivin könüllüləri koronavirus (COVID-19) pandemiyası ilə əlaqədar ölkədə xüsusi karantin rejiminin tətbiq olunduğu müddətdə talassemiya və hemofiliya, eləcə də leykoz xəstəliyindən əziyyət çəkən uşaqlar üçün qan veriblər.